وئرميش خدا بو قلبي كي ، ديلدارا تاپشيرام،
منصور تك گرك بو باشي دارا تاپشيرام.
اؤيرتمه‌ميش آنام منه ساتقينليق علميني،
حاشاكي ، من وطن گولونو خارا تاپشيرام.
قيش صف چكيب گوٍل اوٍستونه سوُس سوُس دئييرسه ، من
موٍمكون مودور كي ، گولشني اشرارا تاپشيرام
منصور تك اؤلوب ياشارام، لئيك اولان دئييل،
جلاّد اليله اوز ائليمي دارا تاپشيرام.
من بابك و ختايي و ستارخان اوغلويام،
مومكون مودور كي ، خلقيمي اغيارا تاپشيرام!
بيز ميله‌ته شرفلي حيات آختارانلاريق،
حاشاكي ، ايختياري مئي و يارا تاپشيرام.
من اؤلمه‌رم جهاندا ، ائليم اولسا گر آزاد،
بير نوقطه‌يم گرك اونو پرگارا تاپشيرام.
ائل گولشنيم چيچكله‌نه‌گر ، من ده بير گوٍلم
گر سوْلسا ، من ده شعري گرك نارا تاپشيرام.
هیچ نظری موجود نیست:
ارسال یک نظر