ستارخانين نوه‌سي‌يم
سرت كولك‌لر ، كهر آتيم ،
پولادداندير قول ـ قاناديم ،
سوروشمايين نه دير آديم ،
يا كيمم من ، يانه‌چي‌يم ،
ساده‌جه بير كوٍتله‌چي‌يم.
آزادليغين تشنه‌سي‌يم ،
ستارخانين نوه‌سي‌يم .
سانما سني ائل اونودوب ،
بوش يئريني آتام توتوب ،
ايندي نوبه منه چاتيب ،
حق ايشينين يولچوسويام ،
آزادليغين جارچيسي‌يام ،
ايگيدليگين ، جسارتين ،
اينقيلابين ، سعادتين
آلو و ساچان كوٍره‌سي‌يم .
ستارخانين نوه‌‌سي يم .
حقّيميزي يادلار يئدي .
وطني‌نين اول ايگيدي ،
بابام وئرن بو اؤيودو
اونوتمارام بير آن بئله،
وطنيمه ، دوغما ائله،
سون بورجومو وئره‌سي‌يم ،
ستارخانين نوه‌سي‌يم
خاور قهرماني
هیچ نظری موجود نیست:
ارسال یک نظر