باياتي‌لار

عرشه قالخير فغانلار
سوْلورگول كيمي جانلار
ياشلار قيرخا چاتيري
سوُباي قالير جوانلار
* * *
هر كس اوْلانماز كيشي
اولماسا گر دوز ايشي
اسلان ائله اسلاندي
اَركك اولا يا ديشي
* * *
دوز يوْل گئدن يورولماز
قاني ناحق سورولماز
بصيرتله باخان گؤز
هئچ اليله اوْوولماز
* * *
سؤز وار آغيز سولادار
سؤز وار اورك بولادار
اوختايين اوْدلو سؤزو
قورخاقلاري اوُلادار
* * *
بيرده گل طوفان ائيله
عالمي حئيران ائيله
جان قيمتين بيله‌نه
جانيني قوربان ائيله
* * *
هر الين دوزو اولماز
هر داوار قوزو اولماز
گؤردوگوموز بس ندير؟
ظولمون بوْينوزو اولماز
* * *
قيفيللاري آچار پول
گولله كيمي قاچار پول
حاجيلارلا مَكّه‌يه
گؤيده جِتله اوچار پول
* **
ساغالمادي ياراميز
آغارمادي قاراميز
كار قولا قلار چوخالدي
چيغيرماقدير چاراميز